Cəlilabadda evdən qaçan məktəblilər `Torqovı`da tapıldı
20:34 25 Dekabr 2017
"Bakıya gəzmək üçün getmişdik. Yolkaları televizorda görmüşdük. Bulvara getdik ki, onları görək".
Femida.az-ın APA-ya istinadən verdiyi xəbərə görə, bunu valideynlərindən xəbərsiz şəkildə Bakıya qaçan 14 yaşlı Cəlilabad məktəblisi Xalid Əliyev deyir.
O, həmyaşıdı İsmayıl Əmənovla 3 gün bütün ölkə ərazisində axtarılıb. Axtarışlar uşaqların Bakı şəhərində tapılması ilə yekunlaşıb: "Maşına mindik, getdik bulvara. Ondan sonra xəbər aldıq ki, axtarışdayıq. Dostumla bir yerdə vətəndaşın biri yaxınlaşıb dedi ki, sizi axtarırlar. Biz də ondan sonra nömrə filan verdik, danışdıq. Sonra dayımgil gəlmişdi, qayıtdıq. Biz səhv etmişik, bir də belə olmaz. Öz yaşıdlarıma da deyirəm, icazəsiz getmək olmaz".
Məlumata görə, hər iki şəxs Bakının "Torqovı" kimi tanınan “Nizami” küçəsində tapılıb. Uşaqlar evdən getmələrinin səbəbini Yeni il bayramını Bakıda keçirmək istəyi ilə izah ediblər. İsmayılın babası Vaqif Manafovun sözlərinə görə, onların Bakıdakı hotellərin birində gecələdiyi məlum olub: "Mən həddimdən artıq sevincliyəm. İki gün mənim üçün zindan kimi oldu. İndi Allahıma şükür edirəm. Sizə çox sağ ol deyirəm, minnətdaram! Sizin köməyinizlə oldu".
Qeyd edək ki, Cəlilabad şəhər sakinləri Xalid Əliyev və İsmayıl Əmənov dekabrın 21-də səhər tezdən məktəbə getmək adı ilə evdən çıxıb və geri qayıtmayıblar. Yeniyetmələr şəhər Zərifə Əliyeva adına 7 saylı tam orta məktəbin 9-cu sinif şagirdləridirlər.
Femida.az
Oxunub: 3474
Oxşar xəbərlər
- Cəlilabadda avtomobil iki piyadanı vurdu
- Cəlilabadda polisi prokurorluğunun qarşısında bıçaqladılar
- Cəlilabadda 3 otaqlı ev yandı
- Cəlilabadda yol qəzası - Yaralılar var
- Cəlilabadda gənc ana intihar etdi
- Cəlilabadda təhlükəli yanğının qarşısı alınıb
- Cəlilabadda abadlıq-quruculuq işləri davam etdiriləcək
- Cəlilabadda yeni müəssisə yaradıldı
- Cəlilabadda su problemi həll olundu
- Cəlilabadda mağaza yanıb